الأسئلة الأكثر تكرارً

كل شي تحتاج تعرفه عن تطبيق لِف

حول

إيش هو لِف.؟

باختصار، هو إعادة تصميم أعمالك المصرفية.

لِف. هو من أول تطبيقات المال الحديثة من نوعها الي تدور حول الاشياء الي تبيها و كيف تقضي وقتك.

هذا معناته إننا نأخذ نظرة شاملة للأشياء، لأننا نركز على دعم خيارات أسلوب حياتك. تحب السينما؟ احجز تذكرتك بنص السعر. تعشق الأكل؟ شوف أفضل المطاعم القريبة منك و اشتر 1-1 مجانًا.

مهما قررت ايش تسوي بفلوسك، احنا هنا عشان نساعدك إننا نخليها رحلة سلسة (وممتعة) قدر الإمكان.

أيش يعني "مدعوم من بنك الإمارات دبي الوطني"؟

لِف. هو من مجموعة بنك الإمارات دبي الوطني. هو عرض جديد رقمي بكل الي فيه صممناه و انت في بالنا. و فوق هذا ماخذ دعم وخبرة بنك الإمارات دبي الوطني، وحدة من أكثر المؤسسات المالية ابتكارًا وثقة في العالم.

كيف يتم التواصل مع فريق لِف.؟

البقاء على اتصال معنا هي وحدة من أهم أولوياتنا، ويسعدنا دائمًا أن نسمع منك. سواء كان عبر التطبيق أو وسائل التواصل الاجتماعية، بتشوف ان دائما في طريقة انك تتواصل معنا.

وين أقدر أقرأ سياسة الخصوصية و الشروط و الأحكام؟

اضغط هنا عشان تتطلع على سياسة الخصوصية و الشروط و الأحكام.

هل أقدر أزور فرع بنك الأمارات دبي الوطني إذا عندي أسئلة بخصوص لِف.؟

ننصح انك تكلمنا في الشات عبر التطبيق، بس إذا احتجت شي أكيد فروع بنك الإمارات دبي الوطني بتكون قادرة على انها تقدملك المساعدة في حساب لِف. الخاص فيك، تعرف ليش؟  لأننا متشابهين مره. الفرق الوحيد هو أننا موجودين في الغالب في العالم الرقمي (وأحسن شي انك ما راح تضطر انك توقف سرا و تستنى بطابور في البنك! لأن يمدينا نخدمك من خلال تطبيقك). يمديك ببساطة التواصل مع فريق دعم  لِف. اللي ينتظرك و جاهز يساعدك دايمًا عبر التطبيق. بس ضغطة وحده و توصلنا!

وين يمديني استخدم لِف.؟

في أي مكان داخل المملكة و خارجها وأجهزة الصراف الآلي في جميع أنحاء العالم مع بطاقة لِف. تمتد بعض عروضنا إلى البحرين والإمارات العربية المتحدة. و تقدر بعد تدفع فواتيرك مباشرة عن طريق سداد.

يمديك تستخدم بطاقة لِف. لدفع المشتريات عبر 24 مليون تاجر حول العالم. و باقي الكثير من الخدمات الجديدة الرائعة اللي تناسب نمط حياتك العالمي.

ليش اختار لِف.؟

لأننا نختلف عن البنوك التقليدية عشان نجيب لك شيء فريد من نوعه. احنا حل بسيط وصادق وممتع لنمط حياتك واحتياجات فلوسك. وفي النهاية، نبي منك أنك تتمتع بحياة مالية صحية عشان تتمكن من انك تسوي الاشياء الي تسعدك أكثر. وبكذا تقدر انك تسوي كل شيء من خلال التطبيق مثل إدارة أموالك والحصول على عروض رهيبة

التسجيل

مين يقدر يقدّم على حساب في لِف؟

هذه الخدمة متاحة لأي شخص يبي يستخدم جواله عشان يحقق أقصى استفادة من فلوسه. احنا نؤمن أن كل شيء ممكن من راحة يدك

كل اللي تحتاجه هو :

  • هوية سعودية أو إقامة سارية المفعول
  • رقم جوال نشط في المملكة
  • هاتف ذكي
  • عمرك يكون 18+

    حساب فعال في ابشر و تكون مسجّل العنوان الوطني

  • وين أقدر أحمل تطبيق لِف.؟

    تقدر تحمل تطبيق لِف. من Apple App Store و Google Play Store.

    آيفون يعمل بنظام IOS11))أو أعلى و آندرويد يعمل بنظام (Android 6)Marshmallow أو أعلى.

    اتبع الخطوات السهلة و بيكون عندك حساب لِف. بدقائق!

    بكم يكلف؟

    ما يكلفك ولا ريال. التطبيق مجاني ويجي معاه خصومات و عروض من أفضل العلامات التجارية. لا تتردد انك تشاركها مع أصدقائك (إذا كنت من جد تحبهم)

    كيف أقدر أقدّم على حساب لِف.؟

    حمل تطبيق لِف. بعدين حط رقم جوالك و حدد كلمة المرور اللي تبي تستخدمها بعدين سجل دخولك في أبشر من خلال تطبيقنا و بس بهالسهولة بيكون عندك حساب لِف.!

    أبغى أقدّم على حساب في لفِ. أيش الأوراق اللي أحتاجها؟

    ما نطلبك ولا شي، كل اللي تحتاجه معلومات حساب أبشر الخاص فيك.

    هل أحتاج انترنت عشان ادخل تطبيق لِف.؟

    ايه فعلا. تطبيق لِف يتطلب الانترنت عشان توصلك تحديثات الوقت الفعلي.

    قد ايش ياخذ وقت تنشيط حسابي الجديد؟

    بمجرد انك تسجل معنا نكون انشأنا حساب لِف. الخاص فيك. عشان تبدأ تستخدمه، بتحتاج انك تضيف مبلغ من المال، واللي تقدر تسويها بأي بطاقة صراف مقرها السعودية، أو تحويل مصرفي أو إيداع من خلال أي جهاز إيداع من بنك الإمارات دبي الوطني. و بتوصلك بطاقة الصراف الآلي الخاصة بك في غضون يومين إلى ثلاثة أيام عمل، واللي تقدر تستخدامها في أي مدفوعات محلية أو دولية.

    يمديني أكون عميل إذا أنا عايش برا السعودية؟

    عشان يكون عندك حساب في لِف. لازم تكون من سكّان السعودية.

    هل أقدر أكون عميل في لِف. مع شريكي؟ هل تقدمون حساب مشترك؟

    لِف. هي خدمة مخصصة لكل شخص، نقدم رؤى محددة عنك وعن حياتك. عشان خدماتنا فريدة ومصممة خصيصًا لك، فحاليًا ما نقدم حسابات مشتركة، بس ترانا نشتغل عليها، لين وقتها نقترح عليك أنت وشريكك تفتحون حساباتكم الخاصة #الوناسة_وناستين!

    هل في رسوم تنشيط حساب مرتبطة بالتسجيل في لِف.؟

    مو بس تطبيقنا مجاني، حتى ما نفرض أي رسوم للتنشيط. أو للتسجيل في حساب لِف. وعشان تستمتع بكل الخدمات التي نقدمها بتحتاج انك تضيف مبلغ من المال لحسابك. تقدر تضيف يا بأي بطاقة صراف مقرها السعودية، أو إيداع نقدي من خلال أي جهاز إيداع بنك الإمارات دبي الوطني (مجانًا) أو تحويل مصرفي من أي بنك (يمكن البنوك الثانية يفرضون عليك رسوم تحويل)

    ودي أكون عميل عند لِف. و أنا واحد من عملاء بنك الإمارات دبي الوطني. ايش لازم اسوي؟

    إذا كان عندك حساب في بنك الإمارات دبي الوطني للأسف ما رح تقدر تفتح حساب لِف. لكن ترقبونا كل شي ممكن يتغير بالمستقبل.

    أبي أنضم للِف. ايش هي متطلبات النظام لجوالي / جهازي؟

    تقدر تحمل تطبيق لِف. من Apple App Store و Google Play Store للآيفون يعمل بنظام (IOS11)أو أعلى و آندرويد يعمل بنظام (Android 6)  أو أعلى. و بتحتاج للانترنت. و بعد جهازك لازم يدعم الرسائل القصيرة.

    أوه و ترا نقيد استخدام الاجهزة الغير مؤمنة (جيل بريك) بس عشان تكون بالصورة!

    ليش احتاج أعطيكم عنوان بريدي الالكتروني عشان انضم للِف. ؟

    نحتاج لعنوان بريدك الإلكتروني عشان نوصلك. (بس لأن يمكن نطلبك معلومات نحسها ضرورية صدق، بس لا تخاف احنا ما نحب البريد المزعج!). بنحتاجه عشان نعلمك بالإعلانات العاجلة وتغييرات السياسة والعروض الخاصة اللي طلبتها.

    هل في حد أدنى للمبلغ اللي يلزم تحويله عشان ابدأ استخدم حساب لِف. ؟

    لا، مافي أي حد أدنى للمبلغ الي يلزم تحويله إلى الحساب في هذا الوقت.

    بس نقترح أن يكون عندك فلوس تكفي في حسابك عشان يمديك تدفع مصاريفك المعتادة، أو عشان تجيك العروض المصممة خصيصًا حول اللي تبيه و يعجبك.

    أيش هو "الرقم السرّي لبطاقة لِف."؟

    هو رقم لبطاقة لِف مُكوّن من 4 أرقام. تقدر تنشئها عبر تطبيق لِف. بمجرد ان توصلك بطاقة لِف. و تكون بين يدينك.

    كيف افعل الرقم السرّي لبطاقة لِف. ؟

    بمجرد ان بطاقة لِف. توصلك، تقدر تحدد رمز التعريف الشخصي الخاص فيك من خلال تطبيق لِف. بس اللي عليك انك تتبع هذي الخطوات البسيطة:

     روح للـ "الإعدادات" واضغط على " فعل البطاقة" بعدين اتبع الارشادات السهلة.

     بس انتبه لا تشارك الرقم السرّي هذا مع أي شخص. #خلك_واعي

    ايش هو "Face/Touch ID

    "Face/Touch ID " يتيح لك انك تستخدم بصمات أصابعك للمصادقة بدل ما تضطر تكتب اسم المستخدم و كلمة المرور كل مرة. تعتبر بصمة إصبعك فريدة من نوعها، ولا يمكن لأي أحد نسخها أو سرقتها منك. هي أحد أكثر الطرق أمانًا وسهولة للوصول إلى حسابك .

    كيف أفعل و أعطل "Face/Touch ID

    تقدر تفعل " Face/Touch ID " عند التسجيل أو إذا ما فعلته عند التسجيل، تقدر تروح لـ قسم "الأمان" ضمن "الإعدادات". يلزم عليك "Face/Touch ID " على جهازك قبل استخدامه في التطبيق. تقدر تعطل أو تفعل  "Face/Touch ID " من الإعدادات.

    كم بصمة أقدر اخزنها على تطبيق لِف. للوصول لحسابي؟

    يعتمد على عدد بصمات الأصابع التي يدعمها جهازك، بس كل بصمات الأصابع المخزنة الي تم إعدادها لـ"Touch ID" لجهازك بتكون قادرة للوصول لحسابك. #اخطبوط

    بس لأسباب تتعلق بالأمان، نقوم بتعطيل تسجيل الدخول إلى Touch / Face ID إذا اكتشفنا بصمة جديدة تمت إضافتها إلى جهازك و بنطلب منك تسجيل الدخول وإعدادها مرة ثانية.

    ينفع يكون عندي كلمة المرور للِف." و"Face/Touch ID" بنفس الوقت؟

    ايه نعم، ينفع يكون عندك هالخيارين، كلمة المرور للِف. و” Face/Touch ID”

    كلمة المرور للِف. اجبارية، Face/Touch ID بس يتفعل اذا جهازك يدعم البصمة.

    ليش أسجل في لِف.؟

    بس من خلال تسجيل لك في لِف. تقدر توصل للكثير من الميزات والعروض و الخدمات اللي تناسب أسلوب حياتك.

    نشجعك أنك تسجل معنا لأننا نتيح لك الاستفادة من لِف. إلى أقصى حد والأهم من هذا كله، أنت في طريقك إلى أنك تعيش حياة مالية أفضل، وتوفر أكثر وتسوي الاشياء اللي تحبها أكثر.

    هل أقدر أموّل حساب لِف. من حسابي الأجنبي (غير سعودي)؟

     تقدر تضيف فلوس لحسابك من خلال تحويل من حساب أجنبي، بس ما تقدر تنفّذ خدمة تعبئة رصيدك باستخدام بطاقة صراف لحساب أجنبي.

    كيف أقدر أودع فلوس من خلال ماكينات الإيداع النقدي من بنك الإمارات دبي الوطني في حساب لِف.؟ 

    تقدر تودع الفلوس من خلال ماكينات الإيداع النقدي من بنك الإمارات دبي الوطني باتباع التعليمات البسيطة هذي:

  • الخطوة 1: ادخل بطاقة لِف. إلى ماكينة الإيداع النقدي من بنك الإمارات دبي الوطني.
  • الخطوة 2: حدد "الإيداع النقدي" كخدمتك.
  • الخطوة 3: تأكد من تفاصيل الحساب اللي دخلتها
  • الخطوة 4: حط الفلوس في الماكينة
  • الخطوة 5: تأكد من مبلغ الإيداع واضغط على "متابعة" للمتابعة أو اضغط على "إضافة المزيد" لإيداع فلوس زيادة أو اضغط على "إلغاء" للتوقف.
  • الخطوة 6: مراجعة وتأكيد التفاصيل. 

    الرسوم

    هل هناك رسوم تفعيل للتسجيل في حساب لِف.؟

    مو بس تطبيقنا مجاني، حتى ما نفرض أي رسوم للتنشيط. بس للتسجيل في حساب لِف. وعشان تستمتع بكل الخدمات التي نقدمها بتحتاج انك تضيف مبلغ من المال لحسابك. تقدر تضيف يا بأي بطاقة صراف مقرها السعودية، أو إيداع من خلال أي جهاز إيداع بنك الإمارات دبي الوطني (مجانًا) أو تحويل مصرفي من أي بنك (يمكن هم يفرضون عليك رسوم تحويل).

    هل في رسوم للحفاظ على حساب لِف.؟

    لا ، لا يوجد حد أدنى للمبلغ الذي يلزم تحويله إلى الحساب ومع ذلك، فإننا نقترح أن يكون عندك فلوس تكفي في حسابك لدفع مصاريفك المعتادة، أو تدفع لخويك، أو للحصول على عروض مصممة خصيصًا حول اللي تحبه.

    هل في أي رسوم مرتبطة ببطاقة لِف.؟

    تقدر تشوف الرسوم هنا

    كيف أقدر أموّل حسابي؟

    تقدر تزيد رصيدك في حساب لِف. بالطرق التالية:

  • عبي حسابك من أي حساب بنكي قائم في المملكة العربية السعودية عن طريق إضافة البطاقة في خيار "تعبئة الحساب" في التطبيق.
  • التحويلات من أي من حسابتك الآخرى إلى حساب لِف.
  • اطلب من صديقك أو اطلب من أحد من العائلة يرسلك فلوس من أي حساب إلى حساب لِف. الخاص فيك (إذا حولولك من حساب لِف. الخاص فيهم محد منكم بيدفع أي رسوم!!)
  • الإيداع النقدي من خلال أي من أجهزة الإيداع النقدي من بنك الإمارات دبي الوطني.

    ايش هي رسوم التحويل إلى حساب بنكي مختلف؟

    تكلفة التحويلات المحلية لأي بنك محلي في المملكة العربية السعودية 5-7 ريال سعودي بناءً على تاريخ القيمة. 

    ايش هي رسوم إرسال مبلغ مالي إلى شخص عنده حساب لِف.؟

    احنا نعتقد أن لِف. مجموعة متماسكة من الناس بنفس القيم والتطلعات المتشابهة و قررنا أن نسهل على أعضائنا التعامل مع بعضهم. عشان كذا مافي أي رسوم على إرسال فلوس إلى شخص عنده لِف.

    بكم يكلّف تطبيق لِف.؟

    مجاني تمامًا! و بتجيك هدايا مجانية بعد

    إذا كان جوالي في وضع التجوال و أنا مسافر بالخارج، هل بيجيني رمز التوثيق "دبل سكيور" للمعاملات المصرفية عبر الإنترنت؟

    إيه، إذا قمت بتنشيط خط هاتفك للتجوال، راح تجيك مكالمات هاتفية و رسائل نصية، بما فيها رمز التوثيق "دبل سكيور" الخاص بك. بس يمكن يكون في تأخير بسيط في الرسائل النصية، يعتمد على المشغل المحلي.

    الأمان

    قد ايش لِف. آمنة و ايش هي تدابير السلامة المستخدمة؟

    أول شيء، لا تخاف! لِف. يستخدم 128-bit Secure Socket Layer (SSL) اللي تعد واحدة من أقوى تقنيات التشفير المستخدمة من قبل المحلات التجارية على الانترنت والبنوك وشركات السمسرة في جميع أنحاء العالم.

    بمعناته أن كل الجلسات عبر الإنترنت بينك وبين البنك محمية بتشفير 128-bit encryption - واللي يحميك من الكشف عن معلوماتك لأطراف ثالثة. و تعتمد جميع اتصالات الخدمة على HTTPS. و من أجل تأمين مستوى عالٍ من المخاطرة، تستخدم هذه الخدمة Two-Factor authentication (2FA) للتحقق من هوية العميل. (شفت! قلنالك أننا آمنين) لأن أمانك هو أهم أولوياتنا!

    ايش هي Two-Factor authentication (2FA)؟

    نستخدم طريقتين مختلفتين لتحديد هويتك، لأننا نبي نحميك و نحمي معلوماتك الشخصية.

    كمثال: عند تسجيل الدخول، نتحقق من اذا كنت بتدخل الحساب من نفس الجهاز، اذا دخلت من جهاز مختلف، فبنستخدم طريقة ثانية للتحقق من هويتك مثل أبشر.

    كيف أقدر أحافظ على سلامة و أمان حساب لِف. الخاص فيني؟

    مثل جميع البنوك القوية، نقوم بتسجيل خروجك تلقائيًا من حسابك بعد 5 دقائق من عدم النشاط. ونراقب حسابك عن أي سلوك غير معتاد. بس شوف كيف تقدر تقوم بدورك للحفاظ على أمان حسابك:

  • لا تكشف عن كلمة المرور الخاصة بك لأي شخص، أو تكتبه أو تستخدمه في مكان أحد يقدر يشوفه.
  • قم بتغيير كلمة المرور على طول، في الاعدادات تحت " تغير كلمة المرور" إذا كنت تشك في ان احد شافها أو لتعرضها للخطر.
  • لا تستخدم الأرقام المعترف بها بسهولة.
  • تذكر دائمًا تسجيل الخروج من التطبيق!

    ايش اسوي إذا اشتبهت في أي معاملات مصرفية غير مصرح بها على حسابي؟

    تواصل معنا على طول عبر الشات و بنحل المشكلة في أسرع وقت ممكن!

    الخصوصية

    كيف أقدر أعرف المعلومات اللي بيوصلها التطبيق أو يشاركها؟

    لا تشيل هم! أولاً وقبل كل شيء، بيتم التعامل مع جميع معلوماتك المالية بأعلى مستوى من السرية، ولن تتم مشاركتها مع أي طرف ثالث، مثل معظم البنوك الكبيرة والموثوقة. ممكن نستخدم تفضيلاتك عشان نقدم لك عروض مخصصة، ولكن بدون ما نشارك معلومات الاتصال الخاصة بك مع جهة خارجية.

     يرجى الرجوع إلى سياسة الخصوصية لمزيد من المعلومات.

    هل عند التطبيق سياسة خصوصية؟ وين أقدر أقرأها؟

    ايه عندنا! اضغط هنا لإلقاء نظرة على الشروط والأحكام الخاصة فينا وفيها تقدر تقرأ سياسة الخصوصية الخاصة فينا.

    الدعم والمساعدة

    أعتقد أن كان هناك نشاط احتيالي على حسابي ايش اسوي؟

    تواصل معنا على طول عبر الشات و بنحل المشكلة في اسرع وقت ممكن!

    ضيعت جوالي، ايش اسوي؟

    أول شيء لازم نتأكد منه هو أن ما يقدر أي شخص آخر الوصول إلى حسابك. إذا قمت بتسجيل الدخول في التطبيق وقت ما فقدت جهازك، فيرجى الدخول للشات و محادثتنا في أسرع وقت ممكن. و إذا قمت بتسجيل الخروج، تقدر تنزل تطبيق لِف. على جهازك الجديد.

    نسيت كلمة المرور، ايش اسوي؟

    إذا كنت ما تتذكر كلمة المرور فلا تشيل هم! كل اللي عليك انك تضغط على"تغيير كلمة المرور" واتبع الخطوات البسيطة

    نسيت الرقم السرّي لبطاقة لِف، ايش اسوي؟

    يلزمك إعادة تعيين الرقم السري لبطاقتك. ضمن "الإعدادات"، انتقل إلى "إعدادات الأمان"، ثم اضغط فوق "تغيير الرقم السري" ثم قم بإعادة ضبطه باستخدام ابشر J

    ضاعت بطاقتي، ايش اسوي؟

    تقدر تقفل بطاقتك في ثانية من خلال تطبيق لِف. انتقل إلى "الإعدادات" بعدين "قفل". تقدر تقفل و تفتح بطاقتك في أي وقت.

    بغير رقم جوالي، كيف أعطيكم خبر؟

    يمديك ببساطة تسجيل الدخول إلى التطبيق ، انتقل إلى "الإعدادات" واضغط على "عدّل" لتغيير رقم الجوال ثم اتبع الخطوات البسيطة.

    بطاقتي مو قاعدة تشتغل، ايش اسوي؟

    بعض أسباب عدم عمل البطاقة يمكن تعود إلى: - بطاقة تالفة. - آلة خربانة. - قد تكون الشبكة معطلة. ما عندك رصيد كافي في بطاقتك. - قد تكون البطاقة منتهية الصلاحية أو محظورة. في كل الحالتين ، يرجى التواصل معنا عبر الشات و بنشوف وين المشكلة على طول!

    تم ابتلاع بطاقتي بواسطة ماكينة الصراف الآلي. ايش اسوي؟

    عطنا خبر في الشات و بنحل المشكلة

    في رقم مجاني أقدر اتصل عليه للتحدث مع فريق لِف.؟

    للأسف، ما عندنا رقم مجاني. بس ترانا نحب الشات مثلك تمامًا، فتواصل معنا عبر التطبيق.

    غيرت البريد الإلكتروني الخاص فيني، ايش اسوي؟

    روح إلى "الإعدادات" ، واضغط فوق "عدّل" لتغيير بريدك الإلكترونيوقم بتعديل البريد الي تبي تستخدمه باتباع الإرشادات.

    هل أقدر استخدم تطبيقي على أجهزة متعددة؟

    ايه، بس ما تقدر تسجل الدخول إلى أجهزة متعددة في نفس الوقت. إذا كنت تحاول تسجل الدخول إلى جهاز جديد، فسيتم تسجيل خروجك تلقائيًا من الجهاز السابق. في كل مرة بتستخدم جهاز جديد، بنطلب منك المصادقة باستخدام أبشر كإجراء أمني إضافي.

    ايش اسوي إذا ما وصلني رمز التفويض (OTP

    يمكنك طلب إعادة إرسال رمز التفويض(OTP)  بعد نفاد مؤقت الـ 60 ثانية. إذا جربت تعيد الإرسال عدة مرات ما وصلك رمز، فما عليك الا انك تكلمنا في الشات.

    كيف أقدر أوقف المكالمات أو الرسائل غير المرغوب فيها من فريق لِف.؟

    ما نبي نكون ذاك الصديق المزعج اللي بس يستمر و يرسلك رسائل، إذا بدينا نزعجك و نصير بثرين، فما عليك الا انك تقولنا عشان يمدينا نسوي بعض التغييرات!

    عندنا بعد الخيارات هذي لإلغاء الاشتراك: 

  • قولنا بالشات عبر التطبيق.
  • اذا كلمك أحد من فريقنا، علمهم أنك بتي تتوقف عن تلقي مكالمات أو رسائل معينة.

    مو قادر يتحمّل التطبيق، ليه؟

    يمكن عندك مشكلة بالشبكة! حاول مرة ثانية

    يقول عنوان بريدي الإلكتروني تم تسجيله بالفعل. ليش؟

    عذرًا، احنا نسمح بفتح حساب واحد فقط لكل شخص. إذا كنت تعتقد أن شخص قام بإنشاء حساب باستخدام هويتك ومعلماتك، فكلمنا عبر الشات.

    ليش تجيني رسالة تقول أن رقم جوالك مسجل بالفعل؟

    عذرًا، احنا نسمح بفتح حساب واحد فقط لكل شخص. يمكن تكون قد سجلت باستخدام رقم جوالك. إذا غلط علينا، فكلمنا عبر الشات!

    ما وصلني بريد الكتروني ترحيبي! ايش اسوي؟

    تأكد من سلّة المهملات J! ممكن يكون أن حسابك لسا تحت المراجعة.

    حطيت رقم جوالي غلط وقت التسجيل! ايش اسوي؟

    بنحتاج منك التحقق من صحة رقم جوالك عن طريق إدخال رمز التفويض(OTP)  اللي نرسله عبر الرسائل القصيرة.

    إذا حطيت الرقم الخطأ، فما راح تجيك رسالة نصية قصيرة! بمجرد العد التنازلي للوقت يوصل صفر، تقدر تطلب الرمز مرة ثانيه. بس تذكر – عندك 3 محاولات فقط أو تقدر ترجع وتغير رقم الجوال!

    ما وصلني رمز التفويض (OTP) على جوالي، ايش اسوي؟

    يمكن تكون دخلت رقم الجوال الخطأ ، أو يمكن يبيله شوية وقت لين يوصلك؟ خلك صبور! بس إذا حطيت الرقم الخطأ، فما راح تجيك رسالة نصية قصيرة! بمجرد العد التنازلي للوقت يوصل صفر، تقدر تطلب الرمز مرة ثانيه. بس تذكر – عندك 3 محاولات فقط أو تقدر ترجع وتغير رقم الجوال!

    تجاوزت الحد المسموح من إعادة ارسال رمز التفويض(OTP) ! ايش اسوي؟

    لازم انك تعيد العملية من جديد! تأكد من إدخال رقم الجوال الصحيح وانتظر رمز التفويض يوصلك. إذا كنت لسا تواجه مشاكل، فكلمنا في الشات عبر التطبيق

    ما أقدر أفعّل بطاقتي! ايس اسوي؟

    كل اللي تحتاجه عشان تفعّل بطاقة لِف. الخاصة فيك انك تروح للـ الاعدادات -> فعل البطاقة -> ادخل آخر ٤ أرقام من بطاقة الصراف الآلي -> حدد الرقم السري لبطاقة لِف. اللي مكون من 4 أرقام

    ليش وصلتني رسالة الخطأ: "لا يمكننا معالجة طلبك الآن"

    هذا يعني اننا مو قادرين نعالج طلبك. يرجى التحقق من كل التفاصيل المدخلة والمحاولة مرة ثانية. إذا لسا ما انحلت المشكلة، فما عليك الا انك تقولنا في الشات عبر التطبيق!

    ليش وصلتني رسالة الخطأ: "ما عندك رصيد يكفي! عبي رصيدك وحاول مرة ثانية"

    هذا يعني حسابك مافيه فلوس تكفي لدفع الفاتورة، فنطلبك يا أنك تعبي حسابك بزيادة فلوس أو انك تغير المبلغ و تدفع جزء من الفاتورة قد المبلغ الي متوفر في حسابك

    ليش ما تم استلام الفواتير المدفوعة الخاصة بي من قبل مزود الخدمة؟

    بيوصلك إشعار على تطبيقك بمجرد انتهاء عملية الدفع. في حالة رفض الدفع، قولنا بالشات عبر التطبيق.

    تم الخصم من حسابي ولكن لم يتم تعبئة الرصيد. ايش اسوي؟

    تواصل معنا عبر الشات و بنحل المشكلة بأسرع وقت ممكن!

    تم إضافة المبلغ الخطأ إلى حسابي. ايش اسوي؟

    تواصل معنا عبر الشات و بنحل المشكلة بأسرع وقت ممكن!

    هل أقدر أعيد ضبط الرقم السري لبطاقتي أو كلمة المرور أو Face/Touch ID؟

    ايه، تقدر تسوي إعادة تعيين الرقم السري للبطاقة أو كلمة المرور أو Touch ID من خلال الانتقال إلى "الإعدادات" ثم "إعدادات الأمان". تتم إدارة Touch ID الخاص بك بواسطة Touch ID الخاص بالجهاز. اذا كنت تبي تعيد تعيينها، فبتحتاج إعادة تعيين Touch ID  الجهاز. يمكنك أيضًا اختيار تشغيل وإيقاف الـ Touch IDو تستخدم كلمة المرور و اسم المستخدم لتسجيل الدخول.

    كيف أقدر أطلب بطاقة لِف. جديدة؟

    تقدر تطلب بطاقة لِف. جديدة عن طريق الشات في التطبيق.

    بس تذكر، إذا كنت تطلب بطاقة لِف. جديدة  للأسباب التالية، فبتّم محاسبتك بمبلغ 30 ريال سعودي على البطاقة البديلة:

  • ضيعتها
  • تضررت البطاقة
  • انسرقت البطاقة

    بس اذا طلبت بطاقة لِف. جديدة للأسباب التالية ما راح نحاسبك بشي:

  • تم اختراق بطاقتك.
  • كنت ضحية للاحتيال.
  • تم سحب بطاقتك.
  • تم حظر بطاقتك بطريق الخطأ

    نسيت الرقم السرّي لبطاقة لِف، ايش اسوي؟

    بتلزمك إعادة تعيين الرقم السري بطاقتك. ضمن "الإعدادات" ، انتقل إلى "إعدادات الأمان" ، ثم اضغط فوق "تغيير الرقم السري لبطاقتك"

    ثم قم بإعادة ضبطه باستخدام ابشر J

    ما وصلني الـ OTP اللي أحتاجه عشان أدفع لخويي، ايش اسوي؟

    عطيها شوية وقت- أحيانًا تتأخر الرسائل النصية القصيرة. يمكن يكون بسبب ضعف تغطية الشبكة فتأكد من أن عندك ارسال جيد بالشبكة. إذا كنت لسّا تواجه المشكلة، فعلمنا عن طريق الشات.

    وصلني إشعار يفيد بإنجاز المعاملة التجارية، بس ما عندي فلوس! ايش اسوي؟

    عطنا فرصة نشوف ليش، كلمنا في الشات عن طريق التطبيق J

    غيرت جهاز جوالي، ايش اسوي؟

    مبروك عالجوال الجديد! ما عليك الا انك تنزّل التطبيق على جهازك الجديد وتسجل الدخول باستخدام ايميلك و كلمة المرور، بعدين للتحقق سجل دخولك في أبشر وبترجع للِف.J!

    ليش انتهت الجلسة في التطبيق؟

    إذا كنت غير نشط لأكثر من 5 دقائق، فلأغراض أمنية ، نقوم بتسجيل الخروج تلقائيًا.

    فاتني توصيل بطاقتي! ايش اسوي؟

    تقدر إنك تحدد موعد جديد في أسرع وقت ممكن من خلال التحدث معنا في الشات عبر التطبيق أو الاتصال بشريكنا، سمسا 

    طبعتو الاسم الغلط على بطاقتي. ايش اسوي؟

    كلمنا في الشات عبر التطبيق J

    راح توصيل بطاقتي إلى الموقع الخطأ. ايش اسوي؟

    كلمنا في الشات عبر التطبيق J

    أحتاج أغيّر موعد توصيل البطاقة. متى يكون الموعد النهائي؟

    تقدر إنك تحدد موعد جديد في أسرع وقت ممكن من خلال التحدث معنا في الشات عبر التطبيق

    ملاحظة: يتم تدمير أي بطاقة لم يتم تسليمها بعد 60 يومًا.

    ما وصلتني بطاقة لِف.! ايش اسوي؟

    بنعطيك خبر لما تكون بطاقتك جاهزة للتسليم عشان تحدد الوقت والتاريخ المناسبين.

    ضيعت بطاقة لِف. و أنا خارج المملكة! ايش اسوي؟

    يرجى قفل بطاقة لِف. الخاصة فيك على طول عن طريق تسجيل الدخول إلى التطبيق إلى الإعدادات ← قفل البطاقة. اذا ما قدرت تسويها، قولنا في الشات و على طول بنساعدك!

    أقدر أرسل بريد الكتروني لفريق لِف. من أي بريدي الالكتروني ثاني؟

    للأسف ما عندنا بريد الإلكتروني L

    أقدر استخدم لِف. على التجوال؟

    ايه تقدر، كل اللي تحتاجه لاستخدام تطبيق لِف. عبارة عن اتصال WiFi أو اتصال بيانات بس ما راح يمديك تغير رقم جوالك أو إعادة تعيين كلمة المرور الخاصة فيك عشان راح تضطر تسجل الدخول إلى خدمات أبشر و هي غير المتوفرة في الخارج.

    لِف. وبنك الإمارات دبي الوطني

    أقدر أحوّل حساب بنك الامارات الوطني لحساب لِف.؟

    تختلف حسابات بنك الإمارات دبي الوطني الخاصة بك عن حسابات لِف. كل وحدة فريدة من نوعها، وتخدم أغراضها الخاصة، يعني ما يمديك تحول حساب بنك الإمارات دبي الوطني الخاص فيك إلى حساب لِف.

    أيش يعني "مدعوم من بنك الإمارات دبي الوطني"؟

    تم إنشاء لِف. كتطبيق مبتكر لجيل حديث (زيّك!) من قِبَل مجموعة الإمارات دبي الوطني - مؤسسة مالية رائدة وموثوقة في الإمارات العربية المتحدة.

    ودي أكون عميل عند لِف. و أنا واحد من عملاء بنك الإمارات دبي الوطني. ايش لازم اسوي؟

    تختلف حسابات بنك الإمارات دبي الوطني الخاصة بك عن حسابات لِف. فيمديك تفتح حساب لِف.!

    هل أقدر أزور فرع بنك الأمارات دبي الوطني إذا عندي أسأله بخصوص لِف.؟

    احنا نتكلم بلغتك ونعمل مثلك تمامًا (في العالم الرقمي!) و ما عندنا  فروع محددة عشان كذا اسهلّك نتواصل عبر الشات. بس طبعاً، انت مرحب بك في أي من فروع بنك الإمارات دبي الوطني.

    أقدر استخدم الخدمات المصرفية عبر الإنترنت / الجوال من بنك الإمارات دبي الوطني للوصول إلى حساب لِف.؟

    لا، تختلف حسابات بنك الإمارات دبي الوطني الخاصة بك عن حسابات لِف.

    أقدر أوصل إلى حساب بنك الإمارات دبي الوطني الخاص بي من خلال تطبيق لِف.؟

    لا، تختلف حسابات بنك الإمارات دبي الوطني الخاصة بك عن حسابات لِف.

    أقدر استخدم أجهزة الصراف الآلي لبنك الإمارات دبي الوطني عشان أسحب فلوس من حساب لِف.؟

    إيه تقدر! و مجانًا بعد

    أقدر أودع فلوس لحساب لِف. من خلال ماكينات الإيداع النقدي من بنك الإمارات دبي الوطني؟

    إيه

    إذا قررت ألغي حساب بنك الإمارات دبي الوطني الخاص بي، هل أقدر استمر في استخدام حساب لِف. الخاص بي؟

    على الرغم من أنهم كلهم في عائلة وحدة كبيرة، فإن بنك الإمارات دبي الوطني، و لِف. حسابات منفصلة.

    الحساب

    كل اللي تحتاجه عشان تفتح حساب في لِف. هو :

  • هوية سعودية أو إقامة سارية المفعول
  • رقم جوال نشط في المملكة
  • هاتف ذكي
  • عمرك يكون 18+
  • تكون مسجّل العنوان الوطني
  • حساب فعال في ابشر و تكون مسجّل العنوان الوطني

ليش لازم أفعّل الحساب، ايش بيتغير لو فعّلته؟

اذا فعلت حسابك في لِف بتوصلك ميزات وعروض كثيرة، مصممة لك وللأشياء اللي تعجبك. و بتبدأ تستمتع بحياة مالية صحية أكثر، لأننا بنوفر لك كل اللي يساعدك عشان تقدر تسوي الأشياء اللي تحبها! و بتقدر بعد تحول دخلك مباشرة للِف. عشان نساعدك بإدارة أموالك من خلال اختيارات نمط حياتك – متى ما بغيت و ايش ما بغيت!

هل في حد أدنى للمبلغ اللي يلزم تحويله عشان ابدأ استخدم حساب لِف الخاص فيني؟

لا، مافي أي حد أدنى للمبلغ الي يلزم تحويله إلى الحساب في هذا الوقت.

بس نقترح أن يكون عندك فلوس تكفي في حسابك عشان يمديك تدفع مصاريفك المعتادة ، قطّت أخوياك ، أو عشان تجيك العروض المصممة خصيصًا حول اللي تبيه.

أقدر استخدم الشيكات مع لِف.؟

لأننا نقدم خدمات رقمية ، فما عندنا شيكات، بس إذا كنت بحاجة إلى شيك، تقدر تزور فرع بنك الإمارات دبي الوطني لشيك مصرفي مصدق. بس راح يكلفك. ليش ما تجرب التحويل المصرفي؟ ما راح تحتاج تنتظر

كيف أقدر أموّل حسابي؟

تقدر تزيد رصيدك في حساب لِف. بالطرق التالية:

  • عبي حسابك من أي حساب بنكي قائم في المملكة العربية السعودية عن طريق إضافة البطاقة في قسم "تعبئة الحساب" في التطبيق.
  • التحويلات من أي من حسابتك الآخرى إلى حساب لِف.
  • اطلب من صديقك أو اطلب من أحد من العائلة يرسلك فلوس من أي حساب إلى حساب لِف. الخاص فيك (إذا حولولك من حساب لِف. الخاص فيهم محد منكم بيدفع أي رسوم!!)
  • الإيداع النقدي من خلال أجهزة الإيداع النقدي لبنك الإمارات دبي الوطني.

 اضغط هنا للحصول على قائمة بالمواقع التي تتوفر بها أجهزة الإيداع النقدي من بنك الإمارات دبي الوطني.

 

كيف أغلق حسابي في لِف.؟

لإغلاق حسابك، ببساطة كلمنا في الشات عبر التطبيق. علمّنا ليش تبي تغلق الحساب. إذا كانت شكوى، فودنّا تعطينا فرصة عشان نصحح كل شي!

كيف أقدر أشوف تفاصيل معاملاتي المصرفية؟

تقدر تشوف تفاصيل المعاملات الخاصة بك في قسم المحفظة من التطبيق. قاعدين نخطط لبعض الأشياء الرهيبة اللي بتوصلك قريب!

ايش هي الخدمات الي تقدمها المحفظة؟

من خلال المحفظة عندك الخدمات التالية:

  • حساب بسيط ورقمي.
  • بطاقة لِف اللي يمديك تستخدمها للدفع في جميع أنحاء العالم مع VISA.
  • دفع فواتيرك الخاصة بسهولة مع سداد.
  • تتبع المدفوعات الخاصة بك عبر مختلف الفئات والأماكن التي تزورها.
  • ادفع لأصدقائك وزملائك ببساطة عن طريق تحديدهم من هاتفك أو جهات الاتصال
  • حوّل فلوس من وإلى حسابك محليًا.

لا تنسى ، عندنا الكثير من الميزات الرائعة والرهيبة في طريقها لك

أقدر أدفع فواتير بطاقاتي الائتمانية الأخرى من خلال بطاقة لِف. الخاصه بي؟

طبعًا تقدر باستخدام سداد!

هل راح أكسب أي فائدة مالية على حساب لِف.؟

لا ، مافي فائدة لأنه حساب متوافق مع أحكام الشريعة الإسلامية، حاليًا احنا نقدم ربح %2 سنويًا على حساب لِف.

في عندكم حساب ادخار؟

عندنا حساب الاهداف و تقدر تنشئ قد ما تبي من الأهداف اللي تبي تجمعلها .

هل أقدر أحول راتبي إلى حساب لِف.؟

طبعا، تقدر تحول دخلك/راتبك مباشرة إلى حساب لِف. الخاص فيك. و بهذي الطريقة بتقدر تدير دخلك ومصاريفك متى و وين ما كنت. ما عليك الا أنك تطلب من صاحب العمل أو من العائلة دفع دخلك مباشرة لحسابك. ونحن نوصيك بشدة أنك تسويها عشان توصلك امتيازات أكثر.

هل في حد أدنى للمبلغ اللي أقدر أمول فيه حسابي؟

هذا يعتمد على الطريقة اللي تبي تعبي رصيدك فيها. إذا كنت راح تموّل الحساب باستخدام بطاقة، فلازم عليك تعبئة 100 ريال على الأقل. إذا كنت راح تموّل الحساب باستخدام تحويل مصرفي، فلازم عليك تعبئة 1 ريال سعودي كحد أدنى في المرة الواحدة.

ايش هي أنواع الحسابات اللي يمكن فتحها عبر لِف.؟

حاليّاً نقدم حساب التوفير تحت حساب الأهداف و جايتكم الكثير من الخدمات قريب! خلك صبور معنا   #حبّه-حبّه

كم عدد الحسابات اللي أقدر أفتحها في لِف.؟

هلا بالهامور! حاليًا، تقدر بس تفتح حساب واحد لنفسك

ايش هو الحساب "الغير النشط "؟

نظرًا لعدم نشاط حسابك لمدة 12 شهر، تم منح حسابك حالة الغير نشط.

عشان ترجع الحياة مرة ثانية للِف. الخاص بك. موّل حسابك أو قوم ببساطة بالتواصل معنا في الشات عشان تعرف كيف تنعشه.

متى تتغير حالة الحساب إلى "غير نشط "؟

بعد سنتين من عدم النشاط ، تتغير حالة حسابك إلى "غير نشط".

هل أقدر أعبي فلوس من حساب دولي إلى لِف.؟

ايه، يمديك تحويل الفلوس من حساب دولي!

بطاقة لِف.

ما هي بطاقة لِف. و ايش هي الفوائد التي أحصل عليها؟

بطاقة لِف. الخاصة بك تتيح لك بإنفاق فلوسك وين ماتبي. هي آمنة ومأمونة ومقبولة عالميًا. تقدر تستخدمها عبر الإنترنت بعد! ما ننسى خاصية اللمس عند الدفع!

ايش الفرق بين بطاقة لِف. و بطاقة الائتمان؟

بطاقة لِف. هي خيار "اشتر الآن، ادفع الآن" ، أما بطاقة الائتمان هي خيار "اشتر الآن، ادفع لاحقًا".

 عشان كذا اذا استخدمت بطاقة لِف. الخاصة بك. ما راح تكون في أي مدفوعات شهرية (وهذا هو سبب أنه ما راح يتم فرض أي فائدة!). لما تستخدم بطاقة لِف. عشان تشتري أشياء أو تسحب فلوس، يتم خصم المبلغ على الفور من رصيد حساب لِف. المباشر

هل خدمة سحب فلوس مو متوفره (حساب مكشوف) موجودة؟

لا ، احنا ما نسمح بالخدمة هذي على حساب لِف. حاليًا، بنعطيك حبر اذا بدينا نقدمها!

هل في سعر فائدة على بطاقة لِف.؟

بطاقة لِف. عبارة عن خيار "اشتر الآن ، ادفع الآن". عشان كذا، عند استخدام بطاقة لِف الخاصة بك، ما راح تكون في أي مدفوعات شهرية ولن يتم فرض أي فائدة!

ايش لازم أسوي قبل ما أقدر استخدم بطاقة لِف لأول مرة؟

بسيطة: 1- تفعيل بطاقتك 2- تعيين الرقم السري للبطاقة 3- ابدأ عيش .

ايش الدوّل اللي أقدر استخدم بطاقتي فيها ؟

تقدر تستخدم بطاقة لِف. الخاصة بك في انك تحاسب في أي مكان في العالم. سواء كنت تبي تتسوق في المملكة أو في الخارج، ما عليك سوى البحث عن علامة VISA واستعد للصرف!

كعميل لِف. هل هناك أي رسوم لاستخدام بطاقتي في أجهزة الصراف الآلي أو في محطة الدفع أو في الخارج؟

يمكنك استخدام هذه البطاقة مجانًا لدفع أي تاجر في المملكة العربية السعودية، أو عشان تسحب فلوس من أي جهاز صراف آلي في المملكة.. إذا كنت تستخدم بطاقتك للإنفاق خارج المملكة العربية السعودية، فبتتحمل 3٪ من قيمة عملية الشراء. سيتم تطبيق رسوم بقيمة 20 ريال سعودي إذا استخدمت البطاقة لسحب كاش من أجهزة الصراف الآلي خارج المملكة العربية السعودية. (بس في دول مجلس التعاون الخليجي فقط 6 ريال سعودي)

أقدر أسحب كاش ببطاقة لِف.؟

طبعًا تقدر، ييمديك تسحب كاش من أي جهاز صراف آلي في السعودية، أو من أكثر من مليون جهاز صراف آلي حول العالم. بيتم تطبيق رسوم بقيمة 20 ريال سعودي إذا استخدمت البطاقة لسحب كاش من أجهزة الصراف الآلي خارج المملكة. (بس في دول مجلس التعاون الخليجي فقط 6 ريال سعودي). (يخضع لك حد السحب اليومي).

ليش ما أقدر استخدام بطاقة لِف. للمعاملات الإلكترونية؟

قاعدين نشتغل على ان تكون عندنا بطاقة معتمدة للتجارة الإلكترونية مع "مدى". راح تتفعل في نهاية مارس 2020.

أقدر أضيف بطاقة لِف. لـ Apple Pay؟

قاعدين نشتغل عليها. راح تتفعل في نهاية مارس 2020.

نسيت الرقم السرّي لبطاقة لِف، ايش اسوي؟

بتلزمك إعادة تعيين الرقم السري بطاقتك. ضمن "الإعدادات" ، انتقل إلى "إعدادات الأمان" ، ثم اضغط فوق "تغيير الرقم السري" و اتبع التعليمات J           

انتقل إلى "لإعدادات "، ثم اضغط فوق "تغيير الرقم السري"واتبع التعليمات J

بطاقتي تُلِفت، ايش اسوي؟

اطلب بطاقة جديدة في الشات عن طريق التطبيق بس تذكر، في رسوم بقيمة 30 ريال سعودي للحصول على بطاقة بديلة.

ايش هو الحد اليومي للمعاملات على بطاقة لِف.؟

الحد اليومي للمعاملات الخاصة ببطاقة لِف. هي 20,000. ريال سعودي.

ايش هو الحد اليومي لسحب أجهزة الصراف الآلي على بطاقة لِف.؟

يمديك تسحب لحد 5000 ريال سعودي في اليوم.

كم عدد البطاقات اللي أقدر أضيفها عشان أعبي رصيد في حسابي؟

للأسف ما نقدر نتعامل مع أكثر من 10 بطاقات!

هل يمكنني وضع علامة على أي من البطاقات كأفضل بطاقة؟

حاليًا، ما نوفر هذي الميزة، بس عشان راحتك، بنعرض البطاقات الحديثة أول.

هل أقدر أسمي البطاقات الخاصة فيني عشان أعرف  أي بطاقة بستخدم؟

في الوقت الحالي ، هذه الميزة غير متوفرة. بس قاعدين نشتغل عليها!

كيف أقدر أطلب بطاقة لِف. جديدة؟

تقدر تطلب بطاقة لِف. جديدة عن طريق التطبيق في الإعدادات.

بس تذكر، إذا كنت تطلب بطاقة لِف. جديدة  للأسباب التالية، فبتم محاسبتك بمبلغ 30 ريال سعودي على البطاقة البديلة:

  • ضيعتها
  • تضررت البطاقة
  • انسرقت البطاقة

بس اذا طلبت بطاقة لِف. جديدة للأسباب التالية ما راح نحاسبك بشي:

  • تم اختراق بطاقتك.
  • كنت ضحية للاحتيال.
  • تم تسحب بطاقتك.
  • تم حظر بطاقتك بطريق الخطأ

أقدر أغير الحد اليومي للمعاملات على بطاقة لِف.؟

قاعدين نشتغل عليها و بنعلمك أول ما تقدر!

أقدر أغير الحد اليومي لسحب أجهزة الصراف الآلي على بطاقة لِف.؟

قاعدين نشتغل عليها و بنعلمك أول ما تقدر!

كيف أقدر أطلّع بطاقة ثانية؟

حاليًا، ما نقدم بطايق اضافية،

هل تقدمون بطاقة ائتمانية؟

بنطلع قريب أطلق و أجمد بطاقة ائتمانية! #خلك_قريب

بطاقة لِف. انتهت صلاحيتها ايش اسوي؟

اطلب منا تجديد  البطاقة عن طريق الشات. بطاقتك المستبدلة مجانية!

ايش يصير لو توقفت عن استخدام حساب لِف. لفترة طويلة؟

إذا توقفت عن استخدام حساب لِف لمدة 12 شهر بنحطّك في فئة "غير نشط / خامل". و هو شي يقهر، لأن بتفوتك أشياء كثيرة! بس لا تشيل هم، كل اللي عليك تسويه هو تعبي رصيدك عشان تبدأ تستخدم حسابك مرة ثانية.

هل مفروض أقفل البطاقة من خلال التطبيق إذا تم ابتلاعها في أجهزة الصراف الآلي؟

ايه أكيد!  سجل الدخول للتطبيق و قفل البطاقة على طول وبعدين علمنا في الشات أن بطاقتك قد تم ابتلاعها.

هل يتم توصيل البطاقات في الويكند؟

ايه نقدر نوصل بطاقتك بالويكند! بس احنا ناخذ بالكثير 3 أيام عمل لمعالجة طلبك والاستعداد للتسليم.

كيف أقدر أحدد موعد توصيل البطاقة؟

بنرسلك رسالة نصية برقم مميز بمجرد ما تكون بطاقتك جاهزة للتسليم.

بنتصل فيك وقتها و يمديك تعطينا الوقت و العنوان والتواريخ التي تناسبك.

أحتاج أغير موعد توصيل البطاقة. متى الموعد النهائي؟

تقدر تغير موعد تسليم البطاقة عن طريق التحدث معنا في الشات.

كم مرة أقدر أغير موعد توصيل البطاقة؟

تقدر تغير موعد توصيل بطاقتك مرتين مجانًا!

بس في رسوم للمرة الثالثه #الثالثة_ثابته

بعد ما جاني الاشعار ان بطاقتي جاهزة، متى المفروض احدد موعد توصيل البطاقة؟

تقدر تحدد موعد توصيل البطاقة في أي وقت تبيه، بس احنا نشجعك انك تسويها في أسرع وقت ممكن عشان تبدأ تستمتع بالمزايا :)

هل أقدر اختار اني استلم بطاقتي من فرع بنك الإمارات دبي الوطني؟

احنا رقميين بالكامل، ما عندنا أي فروع، عشان كذا ما يمديك تاخذ بطاقتك من فرع بنك الإمارات دبي الوطني. بس ترا عملية التوصيل عندنا سلسة ومجانية! ما راح تشكي. #احنا_نجيك

هل راح أكسب أي نقاط مكافأة باستخدام بطاقتي؟

ايه طبعا! لِفيونز يا حبيبي لِفيونز

هل أقدر أسحب كاش باستخدام أجهزة الصراف الآلي الدولية؟

ايه، تقدر تسحب كاش باستخدام ماكينة الصراف الآلي الدولية بس بتكلفك 20 ريال سعودي.

هل أقدر استخدم نفس الرقم السري لبطاقتي القديمة لبطاقتي المجددة أو لازم انشئ رقم سري جديد؟

لتفعيل بطاقة لِف المتجددة، يجب عليك إنشاء رقم سري جديد.

هل بطاقة لِف. الجديدة لها نفس رقم البطاقة الحالية؟

لا، بطاقة لِف. الجديدة بيكون لها رقم مختلف، عشان كذا بتحتاج تضيفه إلى حسابك بشكل منفصل وتحذف القديمة.

ايش بيصير لبطاقة لِف الحالية بعد ما استلم البطاقة المستبدلة / الجديدة؟

بيتم إلغاء تنشيط البطاقة تلقائيًا عند تفعيل البطاقة الجديدة. يرجى التأكد من تدمير بطاقة لِف. القديمة عن طريق قطعها قبل التخلص منها.

هل في حد ائتماني على بطاقة لِف. ؟

تمكنك البطاقة من استخدام ما يصل إلى "حد الشراء اليومي" و "حد السحب اليومي" المذكور تحت "الإعدادات" في التطبيق

هل بتظهرلي عمليات شراء من بطاقة لِف. في كشف حسابي؟

ايه، يمديك تشوف كل المعاملات الخاصة فيك بما فيها مشتريات بطاقة لِف. في كشف حسابك.

هل بيتم فرض رسوم إضافية على استخدام بطاقة لِف. في الخارج؟

اذا  بتستخدم بطاقة لِف بعملة أخرى غير الريال السعودي، بيتم تحويل مبلغ المعاملة إلى الريال في اليوم اللي بيتم فيه خصم المبلغ على حسابك. يتم تحديد سعر الصرف المستخدم دائمًا بواسطة "VISA". بس انتبه ترا في رسوم تحويل العملات لجميع المعاملات الأجنبية.

 و السحب النقدي الدولي من أجهزة الصراف الآلي أيضًا فيها رسوم سحب دولية وبيتم تفصيلها بشكل منفصل في كشف حسابك

هل أقدر أحظر بطاقتي مؤقتًا؟

ايه تقدر! يمديك تقفل بطاقتك في ثانية على تطبيق لِف. عن طريق الذهاب إلى "الإعدادات" -> " قفل". ويمديك تفتح قفل بطاقتك في أي وقت

كيف أقدر أفتح قفل بطاقة لِف.؟

بسهولة يميدك تفك القفل، كل اللي عليك تسويه، تروح إلى "الاعدادات" -> "فتح القفل"

كم ياخذ من الوقت قفل بطاقة لِف.؟

يمديك تقفل بطاقة لِف على طول بضغطة زر وحدة.

أبغى استخدم بطاقة لِف في خارج المملكة، هل في أمور لازم أعرفها؟

تأكد من أن بطاقتك صالحة و ما انتهت صلاحيتها. إذا انتهت صلاحيتها قبل السفر وما استلمت بطاقتك الجديدة ، فيرجى انك تكلمنا في الشات. واحتفظ برقم جوالك المسجل، حتى لما تسافر إلى الخارج عشان تضمن حصولك على التنبيهات عبر الرسائل النصية القصيرة عن كل معاملة تتم على بطاقتك. و بنستمر في مراقبة حسابك عن أي احتيال و عن المعاملات الغير عادية أثناء تواجدك بالخارج، وبنتصل فيك في أسرع وقت ممكن إذا اكتشفنا أي نشاط غير عادي.

ايش هو سعر الصرف عند استخدام بطاقة لِف. في الخارج؟

يتم تحديد سعر الصرف كل يوم بواسطة VISA.

ضيعت بطاقة لِف. أثناء السفر خارج المملكة العربية السعودية. ايش اسوي؟

اوف لا! يرجى قفل بطاقة لِف. على طول. انتقل إلى "الإعدادات" بعدين "قفّل" البطاقة. بمجرد ما تسويها يمديك تطلب بطاقة لِف. جديدة عن طريق الشات.

ايش يصير اذا حطيت الرقم السري الغلط لبطاقتي في محل تجاري أو في ماكينة الصراف الآلي؟ هل بياخذون بطاقتي؟

راح يبتلع جهاز الصراف الآلي البطاقة بعد 3 محاولات فاشلة. بيتم تدميرها وبتحتاج تطلب منا بطاقة جديدة. التاجر ما راح يقبل البطاقة للدفع، وبيطلب منك بطاقة مختلفة للدفع

تحويلات سوشال

هل في أي رسوم لإرسال فلوس لأصدقائي؟

احنا نعتقد أن لِف. مجموعة متماسكة من الناس بنفس القيم والتطلعات المتشابهة و قررنا أن نسهل على أعضائنا التعامل مع بعضهم. عشان كذا مافي أي رسوم على إرسال فلوس إلى شخص عنده لِف. يمديك حتى انك تقول لخويك ينضم الى لِف. وترسل فلوس لهم لتوفير أي رسوم تحويل، غير كذا، يمديك تحوّل إلى أي حساب مصرفي محلي آخر.

هل في حد لمقدار المبلغ اللي يمديني إرسله لأخويائي؟

في حد أقصى قدره 3,000 ريال سعودي.

لأي معاملة بيوصلك OTP. بس نبي نتأكد من( أنك انت متأكد) من المبلغ و من انه حساب الشخص المناسب. J

هل في حد لمقدار المبلغ الذي يمديني اطلبه من اصدقائي؟

يوجد حد أقصى قدره 3,000 ريال سعودي لطلب فلوس من اصدقائك.

كيف أقدر أرسل فلوس لأصدقائي اللي عندهم حساب لِف.؟

تحت حسابك، اضغط فوق "دفع" ثم اختر خيار "ادفع لخوبك". ثم اتبع التعليمات البسيطة.

هل بس أقدر ارسل فلوس إلى أصدقائي في لِف.؟

لا، تقدر تحوّل تحويل مصرفي أو تحويل إلكتروني إلى أي حساب مصرفي آخر. يمديك حتى إحالة صديق للانضمام إلى لِف. وأرسلهم المبلغ و وفّر أي رسوم تحويل

التحويلات

ايش هي أنواع التحويلات اللي أقدر أسويها من خلال تطبيق لِف.؟

غير انك تقدر تدفع لأصدقائك من خلال تطبيق لِف. يمديك تحول فلوس لأي شخص في المملكة لحسابهم البنكي المحلي بالريال السعودي.

هل في حد أقصى للمبلغ اللي أقدر أحوله؟

يمديك تحوّل أي مبلغ إلى الحد الأقصى للرصيد المتاح في حسابك. بس في حد يومي قدره 100,000 ريال سعودي.

كم يبيلها لين توصل التحويلات؟

التحويل المحلي داخل بنك الإمارات دبي الوطني أو لِف. على طول بتوصل!

التحويل المحلي إلى حساب بنكي محلي آخر: تختلف البنوك الأخرى حسب ما إذا كنت قد اخترت نفس اليوم أو اليوم التالي.

كيف أعرف ما إذا كان التحويل ناجح أو لا؟

بنرسلك إشعار بمجرد اكتمال عملية التحويل. و بنعطيك خبر بعد إذا كان التحويل غير ناجح. ببساطة تحقق في قسم حسابك بتشوف كل التحويلات هنا!

ليش فشل التحويل؟

تواصل معنا في الشات دائمًا إذا كنت تحتاج اننا نشوف أي شيء.

ليش وصلتني رسالة "أموال غير كافية"؟

هذا تذكير خفيف عشان تضيف بعض الأموال لحسابك! 👈 بس يمكن تكون الفلوس في حساب الأهداف (احنا نخبيها لك بعيد عن محفظة الإنفاق الخاصة فيك)

هل أقدر أحوّل فلوس إلى حساب بالخارج؟

احنا آسفين! ما نقدم هذه الخدمة في الوقت الحالي (بس تراها في طريقها لك!)

هل أقدر أحوّل بعملة أجنبية؟

احنا آسفين! ما نقدم هذه الخدمة في الوقت الحالي (بس تراها في طريقها لك!)

ايش هي رسوم التحويلات؟

رسوم التحويلات المحلية لأي بنك محلي في المملكة هي 5 أو 7 ريال. بناءً على التاريخ المحدد.

هل في حد لعدد التحويلات اللي أقدر أسويها؟

لا، كمّل و طير!

هل أقدر أنسق وقت للتحويل في المستقبل، أو أثبّت تحويلات متكررة؟

احنا آسفين! ما نقدم هذه الخدمة في الوقت الحالي (بس تراها في طريقها لك!)

كيف أقدر ألغي تحويل إنرسل؟

بمجرد إجراء التحويل، بتنرسل الفلوس على طول، بس بالنسبة لأي تحويل يتم بعد الساعة 2:45 مساءً ، كلمنا عبر الشات في التطبيق و بنحاول قد ما نقدر نوقفها لك!

أيش هو آخر وقت أقدر أحوّل فيه فلوس عشان توصل بنفس اليوم؟

توصل الحوالات لحساب لِف وحساب بنك الإمارات دبي الوطني على طول، بس الحوالات للبنوك الثانية تحتاج ترسلها قبل الساعه 3:00 مساءً.

هل أقدر احول فلوس من حساب بنكي آخر إلى حساب لِف.؟

ايه! يمديك تحول من أي حساب آخر سعودي إلى حساب لِف. الخاص بك بإحدى الطرق التالية:

  • حوّل فلوسك من أي حساب سعودي عن طريق استخدام ميزة تعبئة الرصيد.
  • حوّل فلوسك برقيًا أو الكترونيًا من أي حساباتك السعودية إلى حساب لِف.
  • اطلب من صديقك أو أحد أفراد أسرتك التحويل لك من حسابهم إلى حساب لِف. الخاص فيك !

هل أقدر أحوّل فلوس من حسابي الأجنبي لحساب لِف.؟

ايه ، تقدر تزود حسابك عن طريق التحويل من حساب خارجي!

إذا قمت بإجراء عملية تحويل / تعبئة من حسابي الآخر إلى حساب لِف. متى بتوصلني الفلوس؟

تتم عملية التحويل في الوقت الفعلي، بتوصلك الفلوس في حسابك بمجرد ما يمر التحويل.

ما هو رمز سويفت للِف.؟

EBILSARI” 

دفع الفواتير

أي نوع من فواتير الخدمات أقدر أدفعها عن طريق لِف.؟

تقدر تدفع لأكثر من +180 فاتورة مسجل حاليًا في بوابة سداد.

كيف أعرف ما إذا تم دفع فاتورتي بنجاح؟

بيوصلك إشعار على تطبيقك بمجرد انتهاء عملية الدفع. و يمكن يوصلك تأكيد من مزود الخدمة.

كم من الوقت بياخذ دفع الفواتير إلى ما توصل للشركة ؟

بيتم الدفع على طول!

هل في أي حد على مبلغ دفع الفواتير؟

لا ، تقدر تدفع المبلغ المستحق كامل من فاتورتك، دام عندك فلوس تكفي في حساب لِف. الخاص فيك.

هل أقدر أراجع سجل المعاملات الخاص بفواتيري؟

ايه ، تقدر تعرض سجل المعاملات لدفع الفواتير في النشاط المالي في المحفظة. كل اللي عليك تختار مزود الخدمة. وعرض جميع المعاملات التي تمت حتى الآن. بيمديك تشوف متوسط الإنفاق بعد!

ليش وصلتني رسالة خطأ لما حاولت ادفع فاتورتي؟

يمكن يكون لعدة أسباب. يمكن يكون نظام سداد معطل، أو مشكلة مع لِف. أو لضعف اتصال الشبكة. عيد المحاولة وتأكد من اتصال الشبكة الخاص فيك.

ليش وصلتني رسالة خطأ تقول: "لسوء الحظ ، لم نتمكن من دفع الفاتورة هذه. يرجى المحاولة مرة أخرى لاحقًا" لما حاولت ادفع فاتورتي؟

هذا يعني أن لسبب ما لم نتمكن من معالجة دفعتك. يرجى التحقق من كل التفاصيل المدخلة والمحاولة مرة ثانية. إذا ما انحلت المشكلة، فما عليك سوى انك تواصل معنا في الشات عبر التطبيق

ليش وصلتني رسالة الخطأ: " ما عندك رصيد يكفي! عبي رصيدك وحاول مرة ثانية"

هذا يعني حسابك مافيه فلوس تكفي لدفع الفاتورة، فنطلبك يا أنك تعبي حسابك بزيادة فلوس أو انك تغير المبلغ و تدفع جزء من الفاتورة قد المبلغ الي متوفر في حسابك

ليش ما استلم مزود الخدمة المبلغ اللي دفعته ؟

بيوصلك اشعارعلى تطبيق لِف. بمجرد مرور الدفع. في حالة رفض الدفع، تواصل معنا عبر الشات.

هل أقدر أدفع فاتورة شخص آخر عبر لِف.؟

ايه تقدر تدفع فاتورة شخص آخر عبر لِف. بس تحتاج التفاصيل لحساب هذا الشخص لإجراء عملية الدفع.

أسلوب الحياة

ايش هي الخصومات والعروض اللي تجيني مع بطاقة لِف.؟

مع بطاقة لِف. بتوصلك مجموعة واسعة من العروض الرائعة لتناول الطعام بالإضافة إلى تجارب وأنشطة رائعة، لا تفوتها! لمزيد من التفاصيل ، تحقق من عروض لِف. الحصرية في صفحة اليوم👍

كيف أقدر استرد قسيمة أو عرض؟

سهلة! يوم توصل المكان كل اللي عليك تدور على القسيمة في التطبيق، واضغ فوق "استرداد" و اعطي التاجر الرمز المكون من 4 أرقام و بس خلصنا وصلك خصم 50%

كيف أقدر استخدم عروض الخصم؟

لاستخدام عروض الخصم، كل اللي عليك تسويه هو الدفع باستخدام بطاقة لِف. في المكان. ما عليك سوى عرض القسيمة ورقم الرمز المكون من 4 أرقام!

هل أقدر استخدم القسائم الخاصة بي في الويكند أوالعطلات الرسمية؟

كل قسيمة وعروض لها شروطها وأحكامها الخاصة!

ايش هي الأماكن اللي فيها خصومات وعروض لِف.؟

نحتفظ بمجموعة مختارة جديدة من القسائم والعروض اللي يمديك تشوفها في قسم "اليوم" في تطبيق لِف.

هل أقدر استخدم عرض وقسيمة في نفس المكان مع بعض؟

لا، يمديك تستخدم واحد منهم!

ايش اسوي اذا ما قبل التاجر القسيمة أو العرض؟

احنا نحاول قد ما نقدر ندرب شركائنا للتأكد من أن توصلك أفضل تجربة، بس اذا حصل اختلاف، تواصل معنا عن طريق الشات في التطبيق. احنا دائما هنا للمساعدة! 📣

هل أقدر أشارك القسائم والعروض؟

لا، تحتاج تستخدم بطاقة لِف. الخاصة فيك لاسترداد العرض والتطبيق لاسترداد القسيمة.

حساب الأهداف

ايش هو حساب الأهداف؟

حساب الأهداف هو حساب التوفير ولكن متطور! مثل كل الأشياء الثانية اللي نقدمها، سوينا ميزة رائعة تتيح لك تحديد الأهداف وتوفير فلوسك بدون ما تسوي حساب ثاني، و بنفس الوقت بتكسب ربح 2 ٪!

كيف انشئ حساب الأهداف؟

من خلال المنتجات> حساب الأهداف واتباع الإرشادات (حدد نوع الحساب اللي تبي تنشئه) ، وحط الاسم والمبلغ و القواعد لكيفية الوصول لهدفك> وبس! :)

وين الاقي حساب الاهداف؟

يمكنك العثور عليه في المنتجات> حسابات الأهداف

وين أقدر اشوف الفلوس اللي جمعتها؟

تقدر تشوف مدخراتك وكل حساباتك عن طريق الانتقال إلى المنتجات> حساب الأهداف ؛ تقدر تضغط على هدف فردي لرؤية مزيد من التفاصيل

وين أقدر شوف أهدافي؟

روح لـ المنتجات اختار "حساب الأهداف"> أعلى الشاشة وتحديد حساب الهدف ؛ واضغط على هدفك لمعرفة المزيد من التفاصيل

كيف أعدل على هدفي؟

منتجات -> حساب الأهداف-> بعدين تقدر تضغط على هدفك عشان تعدّل عليه.

ايش هي القواعد المختلفة لحساب الأهداف وايش معناتها؟

تساعدك قواعد لادخار الاليه على تحديد الطريقة اللي تبي توفّر الفلوس فيها للوصول لهدفك. تقدر تستخدم أكثر من قاعدة لهدفك.

الأنواع المختلفة من القواعد اللي تقدر تستخدمها هي:

• توفير مرة واحدة: حدد مبلغ و حطه مرة وحدة الى حساب الهدف كبداية لمدخراتك.

• حدد و الباقي علينا: قم بإعداد إيداع أسبوعي أو شهري أو يومي لتوفير المدخرات تلقائيًا.

• توفير ليوم مستهدف: حدد المبلغ اللي تبي تحفظه لتاريخ محدد، وبنعلمك المقدار الذي تحتاجه للتوفير يوميًا وأسبوعيًا وشهريًا عشان توصله.

هل أقدر أعدل على المبلغ الي حددته للهدف بعد ما انشأته؟

ايه! دايم يمديك تعدّل على المبلغ الي تحدده للهدف.

ليش في مبلغ في هدفي اذا ما حددت المبلغ المستهدف؟

في بعض الأوقات، بناءً لاختيارك لنوع الهدف اللي حددته، ننصح بمبلغ كهدفك المستهدف. تقدر دائمًا تعدل عليه بالانتقال إلى الهدف.

ينفع يكون عندي أكثر من حساب للأهداف؟

ايه طبعًا! ينفع يكون عندك أكثر من حساب هدف لكل أهدافك المختلفة!

هل حساب الأهداف حساب بنكي منفصل؟

حساب الأهداف مو حساب مصرفي جديد بس مرتبط ببساطة بـ حساب لِف. الحالي.

ايش يصير لو مافي رصيد في حسابي، كيف بتطبّق القوانين؟

في حالة عدم وجود رصيد في حسابك، بيوصلك إشعار يطلب منك التعبئة لزيادة رصيدك.

هل أقدر أعدل على هدفي؟

يمديك تعدّل على كل القواعد المتعلقة بحساب الأهداف.

هل أقدر أغير التواريخ اللي أوفر فيها؟ يعني اليوم وعدد المرات اللي تنتقل فيها فلوسي من حسابي إلى حساب الأهداف؟

يمديك تعدّل على كل القواعد المتعلقة بحساب الأهداف.

هل أقدر أحذف حساب الأهداف؟

تقدر تغلق حساب الأهداف الخاص بك عن طريق الضغط على الشاشة ثلاث مرات. بيطلب منك خيار نقل الفلوس لحسابك.

هل أقدر أضيف المزيد من القواعد للهدف؟

يمديك تعدّل على كل القواعد المتعلقة بحساب الأهداف.

ايش يصير بعد ما يكتمل المبلغ لهدفي؟

يمديك تحتفظ بالفلوس في حساب هدفك أو تقدر تعيدها إلى حسابك اذا تبي ترجعها لحسابك، ، اضغط على خيار "خذ فلوس" داخل الهدف اللي تبيه.

ايش يصير إذا بغيت أغلق حساب الهدف؟

تقدر تغلق حساب هدفك عن طريق فتح هدفك اللي تبي تغلقهثم اضغط على تعديل الهدف، ثم اضغط على سلة المهملات بعدين بيسألك التطبيق إذا كنت متأكد من رغبتك في إغلاق حساب هدفك.

ابي أحول فلوسي من حساب الهدف إلى حساب لِف.

تقدر تنقل أموالك من حساب الهدف الخاص بك عن طريق خيار "خذ فلوس" داخل الهدف اللي تبي تاخذ الفلوس منه.

هل في حد لمبلغ هدفي؟

السماء هي حدودنا!

هل في حد لعدد حسابات الأهداف اللي أقدر أسويها؟

مافي حد لحسابات الاهداف اللي يمديك تسويها.

هل أقدر أطلع بطاقة صراف لحساب الهدف؟

حساب هدفك ما يعتبر حساب مصرفي منفصل، مافي بطاقة صراف تجي معه. إذا كنت تحتاج تستخدم الفلوس اللي في حساب الهدف، فأنت بحاجة إلى إغلاق حساب الهدف عن طريق إعادة الفلوس لحسابك.

رحت للفرع وما يقدرون يساعدوني في حساب الأهداف

 فروع بنك الإمارات دبي الوطني بتقدملك المساعدة في حسابات الأهداف الخاصة بك. ومع ذلك ، تقدر تسوي كل شي تحتاجه من خلال التطبيق أو تقدر تتواصل معنا عبر الشات.

هل يجيني ربح من حساب الهدف؟

بيجيك ربح 2٪ على الرصيد الذي تحافظ عليه في حساب هدفك.

إذا أغلقت حساب لِف. هل لازم أغلق حساب الأهداف؟

إذا كنت ترغب في إغلاق حساب لِف. بتضطر لإغلاق حساب الأهداف. لأن حساب الأهداف الخاص فيك هو جزء من حساب لِف.

هل أقدر أشوف السجل الخاص بي للتوفير لحساب الأهداف؟

تقدر تشوف سجل مدخراتك تحت نشاطك المالي تحت حساب لِف.

هل أقدر أنقل أموال جزئية من حساب الهدف إلى حساب لِف.؟

تقدر تنقل أموال جزئية من حساب هدفك إلى حساب لِف.  عن طريق خيار "خذ فلوس"

هل أقدر أشيل بعض الأموال من حساب الهدف؟

تقدر تنقل أموال جزئية من حساب هدفك إلى حساب لِف.  عن طريق خيار "خذ فلوس"